Hallo zämme!

Ich bi dr Julian Gygax. Ich bi 15 und ich gang ins Gymnasium Kirschgarte. Ich bi eigentlig no zimlig nätt.

Mini Hobbies sin Tischtennis spiele, Koche, Schlagzüg spiele, mit Kollege umehänge, zeichne, Velo fahre, Musik lose, am Pc sitze, schutte und pokere.

Am Pc dueni meischtens im Internet öpis mache, zum Bispill Musik abelade und mit Kollege und Kolleginne chatte.

Fuessball spiele due ich nit so oft. Am liebschte bini dr Keeper.

Ich los am liebschte Rock, HipHop, Rap, Reggae und bitz Pop. Ich spiel scho sit 2 ½ Joor Schlagzüüg und machs sehr gärn. Am liebschte dueni bitz improvisiere.

Tischtennis spieli erscht sit 1 ½ Joor und es macht mir au sehr Spass. Ich spiel U15 bim TTC Basel. Ich trainier 2mol pro Wuche und nimm an de meischte Turnier teil.

Koche dueni au sehr gärn vor allem in de Ferie wenn ich zoobe viel Ziit ha. E tolle Koch findi dr Jamie Oliver. Är kocht schnälli, gueti und vielsitigi Gricht. Ich iss sehr gärn japanisch und chinesisch.

Jo das wär so alles über mi! :-P